मोरङको पथरी १० स्थित पुर्वपश्चिम राजमार्गमा बस र तरकारी बोकेको भ्यान एकआपसमा ठोक्किँदा दुई जनाको मृत्यु भएको छ।
प्रहरीका अनुसार पश्चिमबाट पूर्व तर्फ आउँदै गरेको को १ ख ४८४२ नम्बरको मिनिबस र पश्चिमतर्फ जाँदै गरेको मे १ च ५३९१ नं.को पिकअप भ्यान ठोक्किँदा दुर्घटना भएको हो। बसमा २७ जना सवार थिए।
प्रहरी उपरीक्षक विश्व अधिकारीका अनुसार दुर्घटनामा परी ३ जना गम्भीर घाइते भएका छन्। घाइतेहरुमध्ये ५ जनाको न्युरो अस्पताल, ८ जनाको मोरङ डाइन्यास्टी अस्पताल, ७ जनाको नोबेल अस्पताल र ६ जनाको पथरी अस्पतालमा उपचार भइरहेको उनले बताए।
घाइतेमध्ये १० जनालाई भने सामान्य उपचार पछि घर पठाइएको छ।