नेपाल प्रहरीको केन्द्रीय अनुसन्धान ब्युरो (सिआइबी) र कास्की प्रहरीले पोखरामा बालयौन दूराचारमा संग्लन रहेको आरोपमा अस्ट्रेलियन नागरिकलाई पक्राउ गरेको छ।
प्रहरी टोलीले अस्ट्रेलियन प्याराग्लाइडिङ पाइलट थोमस अल्फ्रेडलाई पक्राउ गरेको हो।
६३ वर्षीय थोमस अल्फ्रेड बेरिम्यानको कोठाबाट अन्दाजी १५ वर्षका दुई बालकको पनि उद्धार गरेको कास्की प्रहरी प्रमुख दानबहादुर कार्कीले जानकारी दिए।
अप्राकृतिक यौन सम्बन्ध राखेको र अन्य कैयौं बालकमाथि पनि यौन दूराचार गरेको हुनसक्ने भन्दै जिल्ला प्रहरी कार्यालय कास्की थप अनुसन्धानका लागि राखिएको छ।
प्रहरीले मंगलबार बिहान थोमस बस्दै आएका पोखरा ६ डिहिको पाटनस्थित घरमा छानबिन गरेको थियो।
उनी कामदार भिसामा तीन वर्षदेखि नेपालमा बस्दै आएका थिए। थोमसलाई बाल यौन दूराचारको मुद्दा दर्ता गरी म्याद थपका लागि जिल्ला अदालत पठाइसकिएको एसपी कार्कीले बताए।