सर्लाहीबाट काठमाडौं आइरहेको ना ६ ख ७४६९ नम्बरको दुर्घटनामा परेको छ।
धादिङका प्रमुख जिल्ला अधिकारी भागिरथ पाण्डेयका अनुसार बस बिहान ३ बजेतिर धादिङको बेनिघाट रोराङको सलाङघाटमा त्रिशूली नदीमा खसेको छ।
घटनास्थलमा नै रहेका पाण्डेयले बसबाट ३ जनाको शव निकालिएको र १४ जना घाइतेको उद्धार गरेको जानकारी दिए। उनले क्षतिको पूर्ण विवरण आउन बाँकी नै रहेको बताए।
उनका अनुसार बस अप्ठ्यारो ठाउँमा खसेको र डोरीको सहायतामा तल झरेर उद्धार गर्ने काम भइरहेको जनाए।
चालक निदाएका कारण बस दुर्घटना भएको प्रारम्भिक अनुसन्धानबाट देखिएको उनको भनाइ छ। बसका लागि ३८ यात्रीले टिकट काटेको देखिए पनि बसमा अरू यात्रु पनि हुन सक्ने उनले बताए।