फेरी ४ कैदी बन्दी प्रहरी हिरासतबाट भागेका छन्। शनिबार बिहान महानगरीय प्रहरी वृत्त सिंहदरबारबाट ४ थुनुवा भागेका हुन्।
चोरीको मुद्दामा पक्राउ परेका थुनुवाहरू काठमाडौं प्रहरी प्रवक्ता (डिएसपी) होबिन्द्र बोगटीले बताएका हुन्।
उनीहरू ह्याक्सो ब्लेड प्रयोग गरेर झ्यालको डन्डी काटेर भागेका हुन् । यसरी भागेका ४ थुनुवामध्ये २ लाई प्रहरीले पक्राउ गरिसकेको छ ।
मोटरसाइकल चोरीमा संलग्न अन्य दुई जनाको खोजी भइरहेको डिएसपी बोगटीले बताए ।
यसअघि पनि असार २४ गते ललितपुरको भैंसेपाटी प्रभागको हिरासतबाट पनि झ्यालको डन्डी काटेर ३ थुनुवा भागेका थिए । ती थुनुवाहरुले पनि ह्याक्सो ब्लेडले झ्यालको डन्डी काटेका थिए ।
त्यस्तै असार २५ गते पनि सिंहदरबार वृत्तबाट म्याद थपका लागि उच्च अदालत लगिएका रामबोल खड्का अदालतको शौचालयबाटै भागेका थिए ।