सुनसरी, पर्सा, रौतहट र महोत्तरीमा भएका छुट्टाछुट्टै सवारी दुर्घटनामा परी चार जनाको मृत्यु भएको प्रहरी प्रधान कार्यालयले जनाएको छ।
रौतहट चन्द्रपुर नगरपालिका२ स्थित सडकमा ना१ह ९९३० नम्बरको टेम्पोले ठक्कर दिँदा बुधबार साँझ गम्भीर घाइते भएका सोही ठाउँ बस्ने साइकलयात्री ५० वर्षीय सानुराम चौधरीको उपचारको क्रममा मृत्यु भएको छ।
महोत्तरी मठियानी नगरपालिका २ सडकमा ज१ह २८०७ नम्बरको टेम्पोले बुधबार साँझ ठक्कर दिँदा गम्भीर घाइते भएका सोही ठाउँ आबर बस्ने पैदलयात्री ५५ वर्षीय छिवन यादवको जनकपुर अञ्चल अस्पतालमा उपचारको क्रममा मृत्यु भएको छ। दुर्घटनमा घाइते भएका सोही ठाउँका ३० वर्षीय सञ्जय साहको सोही अस्पतालमा उपचार भइरहेको छ।
पर्सा जगरनाथपुर गाउँपालिकामा नम्बर नखुलेको मोटरसाइकलको ठक्करबाट बुधबार साँझ चार वर्षीय बालक रितेश राम मृत्यु भएको छ। मोटरसाइकलको ठक्करबाट गम्भीर घाइते भएका रितेशको उपचारको लागि नेशनल मेडिकल कलेज वीरगन्जतर्फ लैजाने क्रममा बाटोमै मृत्यु भएको हो।
सुनसरी भोक्राहा नर्सिंङ गाउँपालिका ५ नम्बर नखुलेको सवारीसाधनले ठक्कर दिँदा गम्भीर घाइते भएका रौतहट चन्द्रपुर नगरपालिका(१० का १९ वर्षीय अभिनाश चौधरीको जिल्ला अस्पताल इनरुवामा उपचारको क्रममा मृत्यु भएको छ। ठक्कर दिने सवारी साधन र चालकलाई प्रहरीले खोजी गरिरहेको छ।