भारतको उत्तर प्रदेशको माउ जिल्लाको एक घरमा ग्यास सिलिन्डर पड्किँदा १० जनाको मृत्यु भएको छ।
सोमबार बिहान उक्त घरमा ग्यास सिलिन्डर पड्किँदा दुई तले घर समेत भत्केको छ। त्यस घरमा अरु मान्छे पनि पुरिएको हुन सक्ने भन्दै उनीहरूको उद्धार कार्य जारी रहेको बिबिसीले जनाएको छ।
घटनाको अनुसन्धान गर्न उत्तर प्रदेशका मुख्यमन्त्री योगी आदित्यनाथले निर्देशन दिएका छन्।
उनले पीडितलाई राहत उपलब्ध गराउन मातहतका निकायलाई समेत निर्देशन दिए।