रोल्पामा एक जना वडा अध्यक्षको निधन भएको छ। जिल्लाको सुनिल स्मृति गाउँपालिका वडा नं. ३ मिझिङका वडा अध्यक्ष जेदबहादुर विष्टको ६२ वर्षको उमेरमा शनिबार हृदयाघातका कारण निधन भएको छ।
उनी नेपाली काँग्रेसको तर्फबाट गत निर्वाचनमा वडा अध्यक्ष निर्वाचित भएका थिए। राति सकुशल सुतेका विष्ट शनिबार विहान विस्तारामै मृत अवस्थामा फेला परेको पारिवारिक स्रोतले जानकारी दिएको छ।
शनिबार नै हिन्दु परम्परा अनुसार सुनिल स्मृति गाउँपालिका वडा नं. ३ मिझिङस्थित विष्टको घरनजिकै हिन्दु परम्परा अनुसार अन्तिम संस्कार गरिएको थियो। स्वर्गीय विष्टका श्रीमती, एक छोरा र तीन छोरी छन्।