अवासीय चिकित्सकहरूले अनसनरत् वरिष्ठ चिकित्सक गोविन्द केसीका जायज माग पूरा गर्न सरकारसँग माग गरेका छन्। सोमबार संयुक्त विज्ञप्ति जारी गरी आवासीय चिकित्सकहरूले केसीको स्वास्थ्यस्थिति र सम्बन्धित निकायको उदासीनताले मर्माहत बनाएको उल्लेख गरेका छन्।
केसीको नि:स्वास्वार्थ सत्याग्रहमा समर्थन जनाउँदै उनीहरूले ऐक्यबद्धता समेत जनाएको बताएका छन्। डाक्टर केसीको माग पूरा गरी उनको जीवनरक्षा गर्न उनीहरूले माग गरेका हुन्।
बिपी कोइराला स्वास्थ्य विज्ञान प्रतिष्ठान, चिकित्सा विज्ञान राष्ट्रिय प्रतिष्ठान र त्रिवि शिक्षण अस्पतालका आवासीय चिकित्सकले विज्ञप्ति जारी गरेका हुन्।
