ट्रकको ठक्करबाट एक जना पैदलयात्रीको मृत्यु भएको छ।
लमही नगरपालिका वडा नं. ४ अर्नहवा निवासी ३० वर्षीय मोहम्मद रफिक मुसलमानको उपचारका क्रममा कोहलपुरमा मृत्यु भएको छ।
पूर्वपश्चिम राजमार्ग अन्तरगत लमही नगरपालिका वडा नं. ५ स्थित सुनखोली नजिकै मुसलमानलाई ट्रकले ठक्कर दिएको थियो।
गम्भीर घाइते मुसलमानलाई स्थानीय अस्पतालको उपचारपछि थप उपचारको लागि बाँकेको कोहलपुर पुर्याइएकोमा त्यही मृत्यु भएको प्रहरीले बताएको छ।
ठेलामा चटपटे लिएर विक्री गर्नको लागि बजारतर्फ जाँदै गरेको समयमा मुसलमानलाई लु २ ख १३७६ नम्बरको ट्रकले मंगलबार बिहान ८ बजेतिर ठक्कर दिएको वडा प्रहरी कार्यालय लमहीका प्रमुख प्रहरी निरीक्षक प्रज्वल थपलियाले जानकारी दिए।
ठक्कर दिने ट्रक र चालकलाई नियन्त्रणमा लिएको प्रहरीले बताएको छ।