छ सय ग्राम गाँजासहित गोरखाबाट दुई जनालाई प्रहरीले नियन्त्रणमा लिएको छ।
अजिरकोट गाउँपालिका वडा नम्बर ५ रातामाटाबाट काभ्रे दाप्चा नगरपालिका वडा नम्बर ४ का १९ वर्षीय सागर तामाङ र चितवन भरतपुर महानगरपालिका गितानगरका २४ वर्षीय गणेश भुजेललाई नियन्त्रणमा लिएको हो।
इलाका प्रहरी कार्यालय जौवारीबाट खटिएको प्रहरीले उनीहरूको शरीर चेकजाँच गरी गाँजा बरामद गरेको हो।
उनीहरूलाई बुधबार लागूऔषध गाँजाअन्तर्गत मुद्दा दर्ता गरी अनुसन्धान भइरहेको प्रहरीले जनाएको छ।