चीनको हुबेई प्रान्तमा कोरोना भाइरसको संक्रमणबाट निधन हुनेको संख्या ८० पुगेको छ।
७६ जनाको निधन भएको पुष्टी भएपनि बिबिसीले आफ्नो समाचारमा ८० जनाको निधन भएको दाबी गरेको छ। यसबाट २ हजार ७ सय ४४ जनलाई आधिकारिकरुपमा संक्रमण भएको पुष्टी भएको छ भने करिब ५ हजार सात सय ९४ जनामा यो भाइरसको संक्रमण भएको अनुमान गरिएको छ।
यसैबीच फ्रान्सका स्वास्थ्यमन्त्री एग्नेस बुजिनले चीन सरकारसँग त्यहाँ रहेका आफ्ना नागरिकलाई जहाजमार्फत देश फर्काउने सहमती भएको बताएका छन्।
कोरोना भाइरसबाट कसरी बच्ने?
चीनको वुहान सहरबाट फैलिएको कोरोना भाइरसको संक्रमण नेपालमा पनि देखिएको छ। शुक्रबार स्वस्थ्य मन्त्रालयले पत्रकार सम्मेलन गरी एकजना व्यक्तिमा संक्रमण देखिएको स्पष्ट पारेको छ।
हङकङमा गरिएको रिपोर्ट परीक्षणपछि नेपालमा पनि कोरोना भाइरसको संक्रमित व्यक्ति भेटिएको पु्ष्टि भएको हो। टेकुस्थित शहीद शुक्रराज ट्रपिकल तथा सरुवा रोग अस्पतालले शंका लागेर नमूना परीक्षणको लागि रगत हङकङमा पठाएको थियो।
सो बिरामीको रिपोर्ट हिजो आएको र बिरामीमा कोरोना भाइरसको संक्रमण भेटिएको अस्पतालले सार्वजनिक गरेको छ। यसै सन्दर्भमा हामीले कोरोना भाइरसबाट कसरी बच्ने भनेर शुक्रराज ट्रपिकल तथा सरुवा रोग अस्पतालका डाक्टर शेरबहादुर पुनसँग कुरा गरेका छौं।
