कोरोना भाइरसको प्रकोपका कारण ब्रिटिस एयरवेजले चीनसँगका सबै उडान स्थगित गरेको छ। मंगलबार बेलायतको परराष्ट्र कार्यालयले बेलायतीलाई चीन भ्रमण नगर्न आग्रह गरेसँगै सो एयरवेजले चीनसँगका सबै उडान स्थगित गरेको हो।
बुधबार एक विज्ञप्ती जारी गर्दै एयरवेजले परराष्ट्रको आग्रहपछि त्यहाँ जाने–आउने उडान स्थगित गरेको सिएनएनले जनाएको छ। एयरवेजको वेबसाईटले जनवरी ३१ तारिखसम्म कुनै उडान नभर्ने बताएको छ।
एयरवेजले हङकङमा भने कुनै उडान स्थगित गरेको छैन। यस भाइरसबाट १३२ जनाको मृत्यु भइसकेको छ भने कम्तिमा पनि छ हजार मानिसलाई संक्रमण भएको छ। कोरोना भाइरस अमेरिका, जापान, जर्मनी, फ्रान्स लगायत मुलुकमा पनि देखिएको छ।