ललितपुरको गोदावरी नगरपालिका-५ स्थित लेलेको एक घरमा ग्रिनेड हाल्ने सेनाका पूर्वहवल्दार पक्राउ परेका छन्।
सोमबार बिहान करिब ७ बजे लेलेका शुकराम मिजारको घरमा ग्रिनेड बम भेटिएको थियो। मिजारको घरमा लेलेका स्थानीय ४१ वर्षिय सेनाका पूर्वहवल्दार राजन सार्कीलाई प्रहरीले नियन्त्रणमा लिएको महानगरीय प्रहरी वृत्त चापागाँउका डिएसपी कृष्णराज ओझाले बताए।
प्रहरीले सोमबार राति उनलाई सोधपुछका लागि कार्यालयमा ल्याएको थिए। मंगलबार बिहान भने उनले मिजारको घरमा बम राखेको स्वीकारेको डिएसपी ओझाले बताए।
'किन राखेको भन्ने खुलेको छैन, उनी आफैंले बम राखेको स्वीकारेका हुन्,' डिएसपी ओझाले सेतोपाटीसँग भने,'उनीहरूको मनमुटाव भएको पनि देखिन्छ।' प्रहरीले घटनाबारे थप अनुन्धान भइरहेको जनाएको छ।