इरानमा कोरोनाभाइरस (कोभिड–१९) को संक्रमणबाट मृत्यु हुनेको संख्या छ पुगेको छ।
इरानको मर्कजी प्रान्तको गभर्नर अलि अघाजादेहका अनुसार शनिबारसम्म मृत्यु हुनेको संख्या छ पुगेको हो।
मृत्युको संख्या बढेपछि विद्यालय, विश्वविद्यालय र साँकृतिक केन्द्रहरु बन्द गरिएको छ।
त्यहाँ अहिलेसम्म २८ जनामा संक्रमण रहेको पुष्टी भइसकेको अल्जजिराले जनाएको छ।
मृतक सबै इरानी नागरिक कोम शहरका छन्। इरानी स्वास्थ्य मन्त्रालयका अनुसार मृतकहरू कोम शहरका वा पहिले बसोबास गरेको इतिहास पाइएको छ।
गत डिसेम्बरमा चीनको हुबेई प्रान्तको वुहान शहरबाट फैलिएको कोरोनाभाइरसको संक्रमणले २४ सय भन्दा बढीको ज्यान लिइसकेको छ। साथै ७६ हजारमा उक्त संक्रमण भेटिएको छ।