भारतको अहमदावादस्थित विश्वकै ठूलो मोटेरा स्टेडियममा अमेरिकी राष्ट्रपति डोनाल्ड ट्रम्पकी छोरी इभान्कासँग केहीबेर फोटो खिच्नेको भीड लाग्यो।
सोमबार दुई दिने भ्रमणका लागि भारत आएका राष्ट्रपति ट्रम्पले अहमदावादस्थित विश्वकै ठूलो मोटेरा स्टेडियमको उद्घाटन गरेका थिए। उक्त उद्घाटन कार्यक्रममा उनकी छोरी इभान्का ट्रम्प पनि सहभागी भएकी थिइन्।
इभान्कासँग स्टेडियमभित्र सेल्फी खिच्नेको घुइँचो लागेको तस्वीरहरु सार्वजनिक भएको छ। एएनआईले नागरिकहरुसँग इभान्काले सेल्फी लिँदै गरेका तस्वीर सार्वजनिक गरेको हो।
साथै इभान्काले ‘नमस्ते ट्रम्प’ स्वागत कार्यक्रम शानदार रहेको बताएकी छिन्। स्टेडियम भित्र एएनआईका एक पत्रकारले उनलाई प्रश्न गर्दा उनले एक शब्दमा जवाफ दिएकी थिइन्। उनले ‘स्पेक्टाकुलर’ भन्दै जवाफ फर्काएकी थिइन्।
ट्रम्प परिवार सो उद्घाटन कार्यक्रम सकाएर ताजमहल भ्रमणका लागि प्रस्थान गरेको भारतीय सञ्चारम माध्यमले जनाएका छन्। राष्ट्रपति ट्रम्पलाई अहमदावादको सरदार भल्लाभभाइ पटेल अन्तर्राष्ट्रिय विमानस्थल पुगेर भारतीय प्रधानमन्त्री नरेन्द्र मोदीले स्वागत गरेका थिए।
