अमेरिकी राजदुतावासको कार्यकारी व्यवस्थापक हुँ भन्दै नक्कली परिचय पत्र देखाई ठगी गर्ने व्यक्ति पक्राउ परेका छन्।
सिन्धुपाल्चोकको मेलम्ची नगरपालिका वडा नम्बर ९ स्थित ज्यामिरे डाँडाका ४१ वर्षीय विकास भन्ने केदार खड्कालाई बिहीबार पक्राउ गरिएको प्रहरी उपरीक्षक मुकेशकुमार सिंहले जानकारी दिए।
सिंहका अनुसार खड्काले अमेरिका पठाउने विश्वास दिलाउन विभिन्न व्यक्तिलाई काठमाडौँस्थित अमेरिकी दूतावासको कर्मचारी भन्दै लाखौँ रकम लिई ठगी गर्दै आएका थिए।
उनलाई महानगरीय प्रहरी अपराध महाशाखाको टोलीले चावहिलबाट पक्राउ गरेको हो। उनीबारे थप अनुसन्धान भइरहेको छ।