भारतमा कोरोनाभाइरसबाट कारण मृत्यु हुनेको संख्या आठ पुगेको छ।
इटालीबाट फर्केका ५५ वर्षीय व्यक्तिको सोमबार कोलकत्तामा मृत्यु भएको हो। भारतको वेष्ट बंगालमा मृत्यु भएको यो पहिलो घटना हो।
ती व्यक्ति परिवारसहित भारत फर्केको बताइएको छ भने उनका छोरा अझै पनि इटालीमै रहेको विजनेस टुडेले जनाएको छ। उनको मृत्युसँगै भारतमा मृत्यु हुनेको संख्या आठ पुगेको हो।
त्यस्तै अल इन्डिया इन्स्टिच्युड अफ मेडिकल साइन्सले सोमबारदेखि सबै ओपिडी सेवाहरू बन्द गरेको छ।
भारतमा अहिले सम्म ४ सय १५ जनामा कोरोनाभाइरसको संक्रमण पुष्टि भइसकेको छ। साथै ७५ जिल्लामा लकडाउनको घोषणा समेत गरिसकेको छ।
