बेलायती युवराज चार्ल्सलाई कोरोना भाइरसको संक्रमण भएको पुष्टि भएको छ।
बकिङहम प्यालेसका एक प्रवक्ताले ७१ वर्षीय चार्ल्सलाई कोभिड-१९ पुष्टि भएको बुधबार जानकारी दिएका हुन्।
उनकी पत्नी ७२ वर्षीया क्यामेलालाई भने कोरोना भाइरस देखिएको छैन।
युवराज चार्ल्स महारानी एलिजावेथका उत्तराधिकारी हुन्। उनले महारानीलाई १३ दिनअघि भेटेका थिए। चार्ल्सलाई कोरोना देखिएपछि दरबारका केही व्यक्तिहरूलाई आइसोलेसनमा राखिएको छ।
पछिल्लो समय बेलायतमा कोरोना भाइरसको संक्रमण तीव्र रूपमा फैलिरहेको छ।
बुधबारसम्म त्यहाँ ८ हजार ७७ जनालाई कोरोना भाइरस पुष्टि भएको छ भने ४ सय २२ जनाको मृत्यु भएको छ।
