टाटा ट्रष्टले कोरोनाभाइरसविरूद्ध लड्न भारतलाई पाँच अर्ब रुपैयाँ दिने घोषणा गरेको छ।
शनिबार कम्पनीले विज्ञप्ति जारी गर्दै कोरोनाभाइरसविरूद्ध लड्न पाँच अर्ब सहयोगको घोषणा गरेको हो।
उक्त रकम स्वास्थ्य अधिकारीहरूको सुरक्षाका लागि चाहिने सामग्री किन्न, टेष्टिङ किट किन्न, स्वास्थ्य अधिकारीहरूलाई सिकाउन तथा व्यवस्थापन गर्न लगायतमा खर्च हुने कम्पनीले जनाएको छ।
'भारतको र विश्वभरको अहिलेको अवस्था चिन्ताजनक छ र छिटो कदम चाल्न जरूरी छ। टाटा ट्रष्ट र टाटा ग्रुप्स अफ कम्पनी उक्त आवश्यकताका लागि यसअघि पनि उठेको छ,ट्रष्टका अध्यक्ष रतन टाटाले भने,'तर यसबेला पहिलेको भन्दा बढी आवश्यकता छ। यो एकदम गाह्रो समय हो, म विश्वास गर्छु कि कोरोनाभाइरसविरूद्ध लड्न आपतकालीन स्रोतहरू जुटाउन आवश्यक छ।'