फेसबुकमा नेता र प्रहरीलाई गाली गरेको आरोपमा एक जना पक्राउ परेका छन्।
आइतबार कपिलवस्तुको मायादेवी गाउँपालिका-१ पकडीका २२ वर्षीय सफिक खानले आफ्नो फेसबुकमा नेता र प्रहरीलाई गाली गरेर स्टाटस लेखेका थिए।
'मायादेवी गाँउपालिकाका चुतिया पुलिस र पावरमा बसेका चोर नेता सबै मर्छन् कोरोनाले,' खानले लेखेका कुरा उदृत गर्दै इलाका प्रहरी कर्यालयका पकडीका इन्स्पेक्टर गणेश सुवेदीले सेतोपाटीसँग भने। खानले हिन्दीमा स्टाटस लेखेका थिए।
'प्रहरी र नेतालाई त्यसरी गाली गरेको भएर पक्राउ गरेका हौं,' सुवेदीले भने,'हामीले सोध्दा सिस्टम मन नपरेको भन्दै लेखेको भनेको छ अरू भन्न चाहेको छैन।'
उनलाई प्रहरीले अभद्र व्यवहारको मुद्दा चलाउने प्रहरीले तयारी गरेको छ।
