बारामा प्रहरी हवल्दारलाई क्रिकेट ब्याटले हिर्काउने युवक पक्राउ परेका छन्।
आइतबार परवानीपुर गाउँपालिका-५ मा लकडाउनको बेला क्रिकेट खेलिरहेका एक युवकलाई प्रहरीले सम्झाउन जाँदा उनले क्रिकेट ब्याटले हिर्काएका थिए।
क्रिकेट ब्याटले लागेर हवल्दार घाइते भएका छन्।
'मान्छे भेला गरेर खेलिरहेका रहेछन् पछि प्रहरी हवल्दारले सम्झाउन जाँदा उनीमाथि ब्याटले हिर्काएका थिए,'जिल्ला प्रहरी कार्यालयका डिएसपी गौतम मिश्रले भने,'प्रहरीको हातमा चोट लागेको छ।'
प्रहरीले परवानीपुर गाउँपालिका-५ का २७ वर्षीय गणेशकुमार साहलाई नियन्त्रणमा लिई अभद्र व्यहारको मुद्दा चलाएको जिल्ला प्रहरी कार्यालय बाराले जानकारी दिएको छ।
प्रहरीले अनुसन्धान गर्ने जिल्ला अदालत बाराबाट सात दिनको म्याद थप गरिसकेको डिएसपी मिश्रले बताए।
