काठमाडौंबाट धुनषा जाँदै गरेको एम्बुलेन्सको सिन्धुलीमा दुर्घटना भएको छ।
सोमबार दिउँसो सवा एक बजे सिन्धुलीको कमलामाई नगरपालिका-७ ठूलीचार ब्यारेक नजिक धनुषा जाँदै गरेको ज १ च ७७७ नम्बरको एम्बुलेन्स दुर्घटनामा परेको हो।
एम्बुलेन्स अनियन्त्रित भइ सडकभन्दा २५ देखि ३० मिटर तल खस्दा दुर्घटना भएको हो।
उक्त एम्बुलेन्समा उपचार गरी घर फर्किंदै गरेका एपेन्टिसाइटिसका २१ वर्षीय अनिल कुमार यादवसहित छ जना थिए।
उनीहरूको जिल्ला अस्पताल सिन्धुलीमा उपचार भइरहेको जिल्ला प्रहरी कार्यालयका डिएसपी श्याम बहादुर खत्रीले जानकारी दिए।
एम्बुलेन्सका चालक भने फरार रहेको प्रहरीले जनाएको छ।
डिएसपी खत्रीका अनुसार घाइतेको अवस्था पनि सामान्य रहेको छ।
प्रहरीले घटनाको थप अनुसन्धान गरिरहेको छ।
