सरकारले सातै प्रदेशमा स्वास्थ्य सामग्री पुर्याएको छ।
चीनबाट खरिद गरि ल्याएका सामग्रीहरू सोमबार केही प्रदेशमा नेपाली सेनाको स्काइ ट्रक र केही प्रदेशमा ट्रकमार्फत् सामग्री पुर्याइएको हो।
प्रदेश नम्बर १, कर्णाली र सुदुरपश्चिम प्रदेशमा सेनाको स्काइ ट्रकमार्फत् सामग्री पुर्याइएको हो।
बागमती, गण्डकी र प्रदेश नम्बर २ र ५ मा ट्रकबाट सामग्री पुर्याइएको प्रधानमन्त्रीका प्रेस सल्लाहकार सूर्य थापाले जानकारी दिए। ‘विश्वव्यापी महामारीको रूपमा देखा परेको काेरनाभाइरस संक्रमितकाे उपचारका लागि चीनबाट ल्याइएकाे स्वास्थ्य सामग्री सबै प्रदेशमा पुगेकाे छ,’ थापाले भने।
स्वास्थ्य व्यवस्था विभागका अनुसार प्रदेशमा एक हजार थान पिपिई, पिसिआर मेसीन, एन-९५ मास्कलगायत सामग्रीहरू पठाइएको हो।