सोमबार पाटन र वीर अस्पतालमा मृत्यु भएका तीन जना व्यक्तिको कोरोनाभाइरस (कोभिड-१९) परीक्षणको नतिजा नेगेटिभ आएको छ।
मंगलबार स्वास्थ्य मन्त्रालयका प्रवक्ता डाक्टर विकास देवकोटाले प्रेस ब्रिफिङमा मृत्यु भएका तीन जनाकै नतिजा नेगेटिभ आएको जानकारी दिएका हुन्।
पाटन अस्पतालमा एकजना र वीर अस्पतालमा दुईजना मृत्यु भएका व्यक्तिमा कोरोनाको आशंका गरिएको थियो।
दुबै अस्पतालले कोरोनाको परीक्षण गर्न मृतकहरूको स्वाब परीक्षणको लागि राष्ट्रिय जनस्वास्थ्य प्रयोगशालामा पठाएको थियो।
पाटनमा मृत्यु भएका व्यक्तिमा छातीको समस्या रहेको अस्पतालले जनाएको थियो।
त्यस्तै वीरमा मृत्यु भएका व्यक्तिमा एक जना मधुमेह र अर्को व्यक्तिमा ज्वरोको आएको थियो।