महानगरीय प्रहरी कार्यालय, रानीपोखरीले लकडाउनका कारण समस्यामा परेका १०७ जनालाई खाद्यान्न वितरण गरेको छ।
मंगलबार कार्यालयले उपत्यकाका विभिन्न स्थान दैनिक खानाखान समस्या परेकाहरूलाई रासन उपलब्ध गराएका हो।
'खाना खान नपाएर हामीले तीन वटा आश्रममा रासन वितरण गरेका छौं,' डिआइजी विश्वराज पोखरेलले भने,'करिब ३० बोरा चामल वितरण गरेका छौं।'
उनका अनुसार करिब ३० बोरा चामल तथा अन्य खाद्यान्न वितरण गरिएको हो।
नेपाल ह्युमन सर्भिस अर्गनाइजेसनमा रहेका ३० जना, नवजीवन समाज, फुटुङमा रहेका २० जना र पवित्र समाज सेवा टोखामा रहेका ५५ जनालाई राहत वितरण गरिएको हो।
त्यस्तै, महानगरीय प्रहरी कार्यालयको हटलाइनमा फोन सम्पर्क गर्ने दैनिक ज्यालादारी मजदुर दुई जनालाई समेत चामल वितरण गरिएको छ।
कार्यालयले लकडाउनको अवधिभर उपत्यकामा अवस्थित कसैलाई खाद्य सामग्री अभाव भएमा १०० नम्बरमा सम्पर्क गर्न डिआइजी पोखरेलले अनुरोध गरेका छन्।
प्रहरीले आइतबारदेखि खाद्यान्न वितरण गर्न थालेको हो।
