कोरोनाको आशंकामा प्रदेश-२ को विभिन्न आइसोलेसन वार्डमा रहेका १७ जनामध्ये ८ जनाको रिपोर्ट नेगेटिभ आएको छ।
तिनीहरू सबै जनाको स्वाब परीक्षणका लागि काठमाडौंको टेकुस्थित राष्ट्रिय जनस्वास्थ्य प्रयोगशाला पठाइएको थियो।
रिपोर्ट नेगेटिभ आएकाहरूलाई आजै डिस्चार्ज समेत गरिएको छ्।
प्रदेश स्वास्थ्य निर्देशनालयका वरिष्ठ जनस्वास्थ्य प्रशासक विजय कुमार झाका अनुसार आज थप ४ जना शंकास्पद बिरामी प्रादेशिक अस्पतालको आइसोलेसन वार्डमा भर्ना भएका छन्।
प्रदेश २ मा अहिले ५ सय ४ जनालाई क्वारेन्टाइनमा राखिएको छ भने १ सय ५१ जना होम क्वारेन्टाइनमा छन्।
प्रदेशभित्र ९९ वटा क्वारेन्टाइन र ६९ वटा आइसोलेसन वार्ड बनाइएको छ।