बिहीबार कैलालीका दुई जना र दार्चुलाका एक जनामा कोरोनाभाइरसको संक्रमण देखिएको छ।
सेती प्रादेशिक अस्पतालको प्रयोगशालामा गरिएको परीक्षणमा तीन जनामा संक्रमण पुष्टि भएको अस्पतालका सूचना अधिकारी दिलिप श्रेष्ठले बताए।
कैलालीका दुई जना संक्रमितहरू जानकी गाउँपालिकाका हुन् र उनीहरू २५ र ३० वर्षका छन्।
यस्तै, दार्चुलाका संक्रमित २१ वर्षीय युवक हुन्। उनीहरू तीनै जना भारतबाट आएको बुझिएको छ।
बिहीबार बिहानै प्रदेश २ मा मात्र ७४ जना संक्रमित थपिएका छन्।
साथै साङ्जाका र नवलपरासी सुस्ता पूर्वका पनि एक जनालाई संक्रमण देखिएको छ।
योसँगै नेपालमा संक्रमितको संख्या ९६९ पुगेको छ। बुधबार मात्र एकैदिन ११४ जना संक्रमित थपिएका थिए।