ललितपुरको महानगरीय प्रहरी प्रभाग लुभूका इन्चार्जको मृत्यु भएको छ।
शनिबार बिहान अल्का अस्पतालमा इन्चार्ज प्रहरी नायब निरीक्षक (सई) टेकबहादुर माझीको उपचारका क्रममा मृत्यु भएको हो।
शुक्रबार साँझ तीन बजेदेखि स्वास्थ्यमा समस्या आएपछि उनलाई पाटन अस्पताल लगिएको थियो। पाटनले आइसियू खाली नभएपछि अल्का अस्पतालमा रिफर गरेको थियो।
सई माझीले कार्यालयमै बान्ता गरेपछि बेहोस भएका थिए।
'टाउकोमा रगत जमेपछि बेलुकी अपरेसन गरिएको थियो। तर अपरेसन सक्सेस भएन’, महालक्ष्मी नगरपालिाका-८ का वडा सदस्य अनिल श्रेष्ठले भने।
उनको शव पोस्टमार्टमको लागि पाटन लगिएको छ।
रामेछाप घर भएका उनले लुभूको इन्चार्ज पद हालै सम्हालेका थिए।
