भारतबाट फर्केका पाल्पाको पूर्वखोला गाउँपालिकाका ४५ वर्षीय पुरूषको तानसेनस्थित युनाइटेड अस्पतालको आइसोलेसनमा मृत्यु भएको छ।
सोमबार अस्पताल भर्ना भएका उनको आज दिउँसो साढे १२ बजे निधन भएको अस्पतालका प्रशासकीय अधिकारी जीवन भट्टराईले जानकारी दिए।
अस्पतालका अनुसार मृतक पुरूषलाई सोमबार क्वारेन्टिनमै हुँदा स्वासप्रस्वासमा समस्या भएपछि अस्पताल भर्ना गरिएको थियो।
भारतबाट आएका उनी सिधै गाउँपालिकाको क्वारेन्टिनमा बसेका थिए।
मृतकको समस्या हेर्दा कोरोना संक्रमण हुनसक्ने भन्दै अस्पतालले पिसिआर परीक्षणको लागि स्वाब भैरहवास्थित प्रयोगशाला पठाएको छ।
उनको स्वाब मृत्यु भएपछि झिकिएको अस्पतालले जनाएको छ।
उनी भारतमा मजदुरी गर्दै आएका थिए।