ब्राजिल कोरोना भाइरसका कारण धेरै नागरिक गुमाउने मुलुकको तेश्रो स्थानमा उक्लेको छ।
कोरोनाका कारण मृत्यु हुनेको संख्या बिहीबार ३४ हजार नाघेपछि इटालीलाई पछि पार्दै ब्राजिल तेश्रो स्थानमा उक्लेको हो।
बितेका २४ घण्टामा ब्राजिलमा १४ सय ७३ जनाको ज्यान गएको छ। योसँगै त्यहाँ कोरोनाबाट ज्यान गुमाउनेको संख्या ३४ हजार २१ पुगेको छ।
कोरोनाबाट धेरै नागरिक गुमाउने मुलुकमा अमेरिका पहिलो नम्बरमा छ भने बेलायत दोश्रो नम्बरमा छ।
यसैगरी संक्रमित संख्या धेरै भएको मुलुकमा ब्राजिल दोश्रो स्थानमा छ।
त्यहाँ हालसम्म ६ लाख १४ हजार ९ सय ४१ जनामा कोरोनाको संक्रमण पुष्टि भइसकेको छ।
विशेषज्ञहरूले त्यहाँ परीक्षणको गति सुस्त भएको र ग्रामिण इलाकामा विस्तार नभएकाले वास्तविक संक्रमितको संख्या अझ धेरै हुनसक्ने बताउँदै आएका छन्।
ल्याटिन अमेरिकी देशमा ब्राजिल कोरोना भाइरसबाट सर्वाधिक प्रभावित मुलुक हो।
