शुक्रबार प्रदेश ५ मा थप भएका ४५ जना संक्रमितमध्ये ४४ जना कपिलवस्तुका मात्र रहेका छन्। एकजना भने गुल्मीका छन्।
प्रदेश ५ स्वास्थ्य निर्देशनालयका अनुसार शुक्रबार कपिलवस्तुका यशोधराका २९ र महाराजगंजका १५ गरी ४४ जनामा कोरोना संक्रमण पुष्टि भएको हो।
ती मध्ये यशोधरा गाउँपालिकाका सबै वडा नं. ७ का छन्। वडा नं. ७ का ८ महिनाको बालकदेखि ५२ वर्ष उमेरसम्मका पुरुषमा कोरोना संक्रमण पुष्टि भएको जिल्ला स्वास्थ्य कार्यालय कपिलवस्तुले जनाएको छ। यशोधरा गाउँपालिकामा संक्रमितको संख्या १ सय ३५ पुगेको छ।
त्यस्तै महाराजगञ्ज नगरपालिकाको वडा नं. १० का १३ जना र वडा नं. ९ का दुईजना गरी १५ जना पुरुषमा संक्रमण पुष्टि भएको हो।
उनीहरु सबै १६ देखि ४८ वर्ष उमेरका पुरुष रहेको कपिलवस्तुका कोरोना फोकल पर्सन कुमार थापाले जानकारी दिए। महाराजगंज नगरपालिकामा कुल ६५ जना संक्रमित पुगेका छन्।
कपिलवस्तुमा शुक्रबार थपिएकासँगै संक्रमितको संख्या ४ सय ७५ पुगेको छ। त्यस्तै कपिलवस्तुमा हालसम्म ३२ जना कोरोना मुक्त भएर घर फर्किएका छन्।
