गण्डकी प्रदेशमा थप ३८ जनामा कोरोना संक्रमण देखिएको छ।
गण्डकी प्रदेश कारोना नियन्त्रण तथा रोकथाम कार्यक्रमका प्रवक्ता विनोद विन्दु शर्माले आइतबार बिहान जारी गरेको विज्ञप्तिमा ३८ नयाँ संक्रमित थपिएको जानकारी दिएका छन्।
प्रदेशका ४ जिल्लाहरु स्याङ्जा, बाग्लुङ, गोरखा र नवलपरासी पूर्वमा गरि ३८ नयाँ संक्रमित फेला परेको शर्माले बताएका छन्।
शर्माका अनुसार स्याङ्जामा १४, बाग्लुङमा १०, गोरखामा १० र नवलपरासी पूर्वमा ४ जना संक्रमित फेला परेका हुन। संक्रमित सबै पुरुष हुन्।
उनीहरु सबैलाई सम्वन्धित जिल्लाका आइसोलेसन अस्पतालमा लैजाने तयारी भइरहेको शर्माले बताएका छन्। यो सँगै नेपालमा कोरोना संक्रमितको संख्या ३ हजार २ सय ७३ पुगेको छ।
त्यसमध्ये ३६५ जना उपचार पछि निको भएर घर फर्किएका छन् भने १३ जनाको मृत्यु भएको छ। तर पछिल्लो समय कोरोना निको नहुँदैपनि संक्रमितलाई डिस्चार्ज गर्न थालिएको हुँदा ३६५ जना सबै पूर्ण रुपमा संक्रमण मुक्त भएर घर गएकाहरु होइनन्।
