लागुऔषध नियन्त्रण ब्युरोले झण्डै दुई केजी अफिमसहित एक जनालाई पक्राउ गरेको छ।
ब्युरोबाट खटिएको टोलीले आइतबार मकवानपुर हेटौंडा उपमहानगरपालिका-११ थाना भर्याङबाट एक जनालाई पक्राउ गरेको हो।
पक्राउ पर्ने राक्सिराङ गाउँपालिका-३का ३५ वर्षीय पदम बहादुर थिङ छन्। उनीबाट प्रहरीले एक केजी ९५० ग्राम अफिम बरामद गरेको हो।
उनलाई प्रहरीले लागुऔषध कारोबारको योजना बनाइरहेको अवस्थामा पक्राउ गरेको हो।
प्रहरीले विशेष सूचनाका आधारमा उनीमाथि केही समयदेखि निगरानी राखेको ब्युरोले जनाएको छ।
थप कारबाहीको लागि ब्युरोले जिल्ला प्रहरी कार्यालय मकवानपुरलाई बुझाएको छ।
उनीविरूद्ध लागुऔषध नियन्त्रण ऐन, २०३३ बमोजिम मुद्दा दर्ता गरिएको छ।
