नेवार समुदायले आज गाईजात्रा पर्व मनाएका छन्। एक वर्षमा दिवंगत भएका परिवारको सम्झनामा नेवार समुदायले आफ्नो टोलबाट गाई वा कुमारीलाई गाईको प्रतीक मानी सहर परिक्रमा गर्ने गर्छन्।
गाईलाई सहर परिक्रमा गर्नाले वर्षभर मृत्यु भएकाको आत्माले शान्ति पाउने धार्मिक विश्वास छ। यस दिन सामाजिक कुरीतिमाथि व्यंग्य प्रहार गर्ने गरिन्छ।
यस दिन काठमाडौं उपत्यकामा सार्वजनिक बिदा दिइएको छ। मल्लकालदेखि नै यो पर्व मनाइँदै आएको धार्मिक विश्वास छ।
राजा प्रताप मल्लले पुत्रशोकमा परेकी रानीको मन भुलाउन जात्रा निकालेर सहर परिक्रमा गर्न आज्ञा गरेकाले यो पर्व मनाइँदै आएको मानिन्छ।
सोही क्रममा रानीको मन भुलाउन विभिन्न व्यंग्यात्मक प्रदर्शन पनि भएकाले सो क्रमलाई निरन्तरता दिइँदै आएको जानकार बताउँछन्।
नेवार समुदायको बाक्लो बस्ती रहेको भक्तपुरमा पनि यो पर्व मनाइएको छ।
तस्वीरमा हेर्नुस्, भक्तपुरको गाईजात्रा
सबै तस्बिर : न्हुज किजु