महोत्तरीको रामगोपालपुर नगरपालिकामा रहेको प्राथमिक स्वास्थ्य केन्द्र सिल गरिएको छ।
सोमबार उक्त स्वास्थ्य चौकीका ल्याब टेक्निसियनमा कोरोना संक्रमण पुष्टि भएपछि स्वास्थ्य चौकीलाई आजदेखि एक साताका लागि सिल गरिएको हो।
स्वास्थ्य चौकीलाई सिल गरिए पनि आकस्मिक र प्रसूति सेवा सुचारू नै रहने जिल्ला स्वास्थ्य कार्यालय महोत्तरीका फोकल पर्सन गिरेन्द्र कुमार झाले जानकारी दिए।
त्यसैगरी महोत्तरीमा आज तीन जनामा कोरोनाको संक्रमण पुष्टि भएको छ।
जलेश्वर नगरपालिकाकी आमा र छोरी गरी दुई जना महिला र रामगोपालपुर नगरपालिकाको एक पुरूषमा कोरोना संक्रमण पुष्टि भएको प्रवक्ता झाले जानकारी दिए।
यससँगै महोत्तरीमा कुल संक्रमित हुनेको संख्या ९ सय ६६ पुगेको छ। जसमध्ये ५८ महिला र ९ सय ८ पुरूष रहेको जनस्वास्थ्य कार्यालय महोत्तरीले जनाएको छ।