विराटनगरस्थित कोशी अस्पतालमा दुई कोरोना संक्रमितको मृत्यु भएको छ।
अस्पतालको आइसोलेसन वार्डमा उपचाररत सिरहा बिष्णुपुर गाउँपालिकाका ४० बर्षीय र विराटनगर-१५ का ३० बर्षीय दुई पुरूषको उपचारका क्रममा मृत्यु भएको कोशी अस्पतालको आइसोलेसन वार्डका संयोजक लक्ष्मीनारायण यादवले जानकारी दिए
दुवैको बिहीबार नै मृत्यु भएको हो।
सिकिस्त अस्थामा भर्ना भएका बसिराहाका पुरूषलाई निमोनिया देखिएको थियो।
'बिरामीलाई श्वाप्रश्वासमा समस्या र निमोनिया देखिएको थियो उपचारकै क्रममा मृत्यु भयो,' यादवले भने।
बिराटनगरका पुरूषलाई पनि बिहिबार बिहानै ११ बजे तिर उच्च ज्वरो र श्वासप्रश्वासमा समस्या भएकाले अस्पतालमा ल्याइएको थियो। सुरूमा जाँच्दा कोरोना नेगेटिभ आएपनि पछि जाँच्दा पोजेटिभ आएको छ।
'उनको बिहिबार बेलुका ४ बजे मृत्यु भएपछि पुन: स्वाब टेस्टमा पठाएकोमा शुक्रबार बिहान उनको रिपोर्ट पोजेटिभ आएको छ,' उनले सेतोपाटीसँग भने।
योसँगै कोशी अस्पतालमा मृत्यु हुनेको संख्या ७ पुगेको।
