प्रदेश १ मा शुक्रबार ९५ जना कोरोना संक्रमित थपिएका छन्।
सबभन्दा धेरै नयाँ संक्रमित मोरङमा र त्यसपछि सुनसरीमा २२ थपिएका छन्। मोरङमा ६२ नयाँ संक्रमित थपिएका छन् भने सुनसरीमा २२ संक्रमित थपिएको सामाजिक विकास मन्त्रालयले जनाएको छ।
मोरङको विराटनगर उपमहानगरपालिकामा मात्र ३३ नयाँ संक्रमित थपिएका छन्।
सामाजिक विकास मन्त्रालय जनस्वास्थ्य महाशाखा प्रमुख डाक्टर सुरेश मेहताका अनुसार प्रदेश १ मा कोरोना संक्रमितको संख्या १ हजार ८ सय २१ पुगेको छ।
प्रदेश १ का विभिन्न अस्पताल र आइसोलेसनबाट शुक्रबार ३५ जना संक्रमणमुक्त भएर डिस्चार्ज भएको पनि उनले बताए।
मेची अस्पताल झापाबाट १७ जना, कोसी अस्पताल कोभिड-१९ उपचार केन्द्रबाट १२, बीपी कोइराला स्वास्थ्य विज्ञान प्रतिष्ठान धरानबाट ६ जना डिस्चार्ज भएका छन्। तीमध्ये झापा १५, मोरङ १४, इलामका ४ र सुनसरीका २ जना रहेका छन्।
