धनुषाको क्षिरेश्वरनाथ नगरपालिकामा खेलको विषयलाई लिएर स्थानीय दुई समूहका खेलाडीहरूबीच भएको विवादपछि झडप हुँदा ६ जना घाइते भएका छन्।
क्षिरेश्वरनाथ नगरपालिका वडा नम्बर १० हारसरमा स्थानीय पुरबारी टोल तथा पछबारी टोलका खेलाडीहरूको दुई समूहबीच फुटबल म्याचको विषयमा भएको झडपमा परिणत हुँदा उनीहरू घाइते भएका हुन्।
झडपमा परी हारसर पछबारी टोलका पूजन चौधरी, दीपनारायण चौधरी, वीरेन्द्र चौधरी, रामकरण चौधरी, विनोद साह र अभिषेक चौधरी घाइते भएका छन्। घाइतेहरूको उपचार स्थानीय स्वास्थ्य संस्थामा भइरहेको छ प्रहरीले जनाएको छ।
घाइतेमध्ये एक जनाको उपचार स्थानीयस्तरमा सम्भव नभएपछि थप उपचारका लागि धरान पठाइएको महेन्द्रनगर इलाका प्रहरी कार्यालयका सई मोहम्मद मुस्तफाले जानकारी दिए।
कुटपिटमा संलग्न युवाहरू अहिले फरार रहेको उनले जानकारी दिए। घटनाबारे थप अनुसन्धान भइरहेको उनले बताए।
