चितवन मेडिकल कलेजमा नवलपरासीका कोरोना संक्रमित एक वृद्धको मृत्यु भएको छ।
अस्पतालका अनुसार ६२ वर्षीय ती पुरुषको उपचारको क्रममा आइतबार राति साढे ११ बजे मृत्यु भएको हो।
अस्पतालका निर्देशक दयाराम लम्सालले विज्ञप्तिमार्फत् कोरोना संक्रमित वृद्धको मृत्यु भएको आइतबार बिहान जानकारी गराएका छन्।
वृद्ध भदौ १५ गते स्वासप्रश्वास र निमोनियाको समस्याले भर्ना भएका थिए। १६ गते पिसिआर परीक्षण गर्दा संक्रमण देखिएको थियो।
