नेपाल टेलिकमको तार चोर्ने चार जना पक्राउ परेका छन्।
प्रहरी कार्यालय मोरङले सोमबार विराटनगर महानगरपालिका-४ स्थित जामुनगाछीबाट ४ जनालाई पक्राउ गरेको हो।
विराटनगरको टेलिकमले गत बिहीबार विभिन्न स्थानहरूबाट तार चोरी भएको भन्ने उजुरी दिएको थियो।
सोही सम्बन्धमा अनुसन्धान गर्ने क्रममा वडा नम्बर ६ बस्ने २१ वर्षीय विजय सहनी, १८ वर्षीय राज सहनी, २१ वर्षीय रविन सहनी र १९ वर्षीय सुमित सहनीलाई प्रहरीले पक्राउ गरेको हो।
उनीहरूबाट प्रहरीले १५० पेयर र २२० मिटर केबल तार बरामद गरेको हो।
उनीहरू चढेको को ९ प ४१५८ नम्बरको यामाहा कम्पनीको मोटरसाईकल पनि नियन्त्रणमा लिइएको छ।
उनीहरूमाथि प्रहरीले थप अनुसन्धान थालेको छ।