ताप्लेजुङमा ट्याक्टरको ठक्करबाट एक पैदलयात्रुको मृत्यु भएको छ।
ट्याक्टरको ठक्करबाट आइतबार बिहान साढे १० बजे फुङलिङ नगरपालिका-७ बस्ने २६ बर्षीय दिपेन्द्र ओख्राबु लिम्बुको मृत्यु भएको हो।
ना ६ त ३००० नम्बरको ट्याक्टरले पैदल हिँडिरहेका लिम्बुलाई ठक्कर दिएको जिल्ला प्रहरी कार्यालय ताप्लेजुङले जनाएको छ।
प्रहरीले ठक्कर दिने ट्याक्टर नियन्त्रणमा लिएको छ। फरार भएका चालकलाई प्रहरीले खोजिरहेको छ।