यस वर्षको रसायन शास्त्रतर्फको नोबेल पुरस्कार दुई जना वैज्ञानिकले पाएका छन्।
रोयल स्विडिस एकेडेमी अफ साइन्सले बुधबार फ्रान्सकी इम्मानुयल चारपेन्टियर र अमेरिकाकी जेनिफर ए डाउडनालाई रयासनतर्फको पुरस्कार दिने निर्णय गरेको हो।उनीहरूले १० मिलियन स्विडिस क्रोनर पाउने भएका छन्।
बर्लिनको म्याक्स प्ल्यांक युनिट फर द साइन्स अफ प्याथोजिन्सकी वैज्ञानिक चारपेन्टर र युनिभर्सिटी अफ क्यालिफोर्निया, ब्रेकलीकी प्राध्यापक डाउडनाले अत्यन्तै शुद्धतताका साथ जनावर, बिरूवा र सुक्ष्मजीवहरूको डिएनएलाई परिमार्जन गर्न मिल्ने 'क्रिसपिआर' नामक आनुवंशिक कैंचीको आविष्कार गरेका थिए।
हेपाटाइटिस सी भाइरस पत्ता लगाउने तीन वैज्ञानिकलाई चिकित्सातर्फ र ब्ल्याक होलसम्बन्धी अध्ययन गर्ने तीन वैज्ञानिकलाई भौतिकशास्त्रतर्फ नोबेल पुरस्कार दिइएको थियो।
