वागमती प्रदेश प्रमुख विष्णु प्रसाईलाई कोभिड–१९ को सङ्क्रमण पुष्टि भएको छ।
उनले मङ्गलबार पिसिआर रिपोर्ट पोजेटिभ आएको बताए।
उनी प्रदेश प्रमुखको कार्यालय हेटौडाबाट दशैंमा झापा मेचीनगरस्थित घर आएका थिए।
विगत पाँच दिनदेखि शरीर दुख्ने, पसिना आउने जस्ता सामान्य लक्षण देखिएको र स्वास्थ्य अवस्था सामान्य रहेको उनले बताए।
हाल घरमै आइसोलेसनमा रहेका उनका छोरा राजेशलाई पनि कोभिड-१९ को सङ्क्रमण पुष्टि भएको छ।
