सुनसरीमा ट्याक्टरले मोटरसाइकललाई ठक्कर दिँदा एक बालिकाको मृत्यु भएको छ।
भोक्राहा नर्सिङ गाउँपालिका-८ की १० वर्षीया रेहना खातुनको मृत्यु भएको हो।
बुधबार बिहान पौने १० बजे को २ त २०२३ नम्बरको ट्याक्टरले को ११ प १२०० नम्बरको मोटरसाइकललाई ठक्कर दिएको थियो।खातुन मोटरसाइकलमा सवार थिइन्।
ठक्करपछि उनको घटनास्थलमै मृत्यु भएको जिल्ला प्रहरी कार्यालयका प्रहरी नायब उपरीक्षक कबिन्द्रकुमार कार्कीले जानकारी दिए।
ठक्कर दिने ट्याक्टर र चालक सुनसरी गढी-२ का ३५ वर्षीय अनिल उराउ प्रहरी नियन्त्रण छन्।