जेव्राक्रसिङबाटै सडक पार गर्दै गर्दा गाडीको ठक्करबाट घाइते भएका रूपन्देही तिलोत्तमाका एक व्यक्तिको उपचारका क्रममा: मृत्यु भएको छ।
गत बुधबार तिलोत्तमा वडा नम्बर २ जानकी नगरस्थित जेव्राक्रसबाट सडक पार गर्दै गरेका स्थानीय ६० वर्षका थानेश्वर लम्साललाई गाडीले ठक्कर दिएको थियो।
लम्साललाई लु १७ च ६६१२ नम्बरको स्कारपियो गाडीले बुटवल-भैरहवा छ लेनको सडकस्थित जेव्राक्रसमै ठक्कर दिएको थियो।
उक्त गाडी बुटवल बसपार्कमा रहेको होटल डार्सिजको रहेको प्रहरीले जनाएको छ।
गाडीको ठक्करबाट घाइते भएका लम्साललाई उपचारका लागि हेलिकप्टरबाट काठमाडौं लगिएको थियो।
उपचारका क्रममा: बिहीबार उनको मृत्यु भएको आफन्त दिनेश लम्सालले पुष्टि गरेका छन्।
ठक्कर दिने गाडी र चालक विमल कोइराला प्रहरी नियन्त्रणमा छन्। उनीहरूलाई कानुन अनुसार कारवाही प्रक्रिया अगाडि बढाइएको प्रहरीले जनाएको छ।
