फेसबुकमा जागिर दिने विज्ञापन राखेर ठग्ने एक जनालाई प्रहरीले पक्राउ गरेको छ।
प्रहरीले दोलखा जिरी नगरपालिका-८ घर भई काठमाडौंको काँडाघारी बस्ने २३ वर्षीय शिव खड्कालाई पक्राउ गरेको हो।
उनलाई महानगरीय अपराध महाशाखाको टोलीले पक्राउ गरेको हो।
उनले फेसबुकमा जागिरको भ्याकेन्सीको पेज बनाएर बेरोजगार युवाहरूलाई आकर्षित गरेका थिए।
आकर्षक तलब, सुविधा दिने झूटो आश्वासन दिलाएर सुरूमा १५ सयदेखि ३५ सयसम्म इ-सेवामार्फत् डिपोजिट गर्न लगाएका थिए।
उनी ४३ जना युवाहरूलाई रकम ठगी गरी फरार भएका थिए।
उनीमाथि थप अनुसन्धान गर्न महानगरीय प्रहरी परिसर, ललितपुर पठाएको छ।
साथै यस्ता खालका प्रलोभनबाट बच्नको महानगरीय अपराध महाशाखाले अनुरोध गरेको छ।