धनगढीमा निर्माणाधीन हुलाकी सडकमा मोटरसाइकल दुर्घटना हुँदा एक प्रहरी मृत्यु भएको छ।
जिल्ला कारागार कैलालीमा कार्यरत प्रहरी जवान जीवन चौधरी बिहीबार बिहान धनगढी—७ मनेहराको सडकखण्डको निर्माणाधीन कर्ल्भट तल मृत फेला परेका हुन्।
जिल्ला प्रहरी कार्यालयका सहायक प्रवक्ता प्रहरी निरीक्षक हिक्मत थापाले चौधरी बिहान ५ बजे मृत फेला परेको बताए।
‘उनी अनड्युटीमै हुनुहुन्थ्यो। दुर्घटना कति बेला भयो भन्ने प्रहरीले अनुसन्धान गर्दैछ,’ उनले भने।