भक्तपुरका सहायक प्रमुख जिल्ला अधिकारी (सिडिओ) दुर्गादत्त ढकालको निधन भएको छ।
उनको उपचारका क्रममा मंगलबार भरतपुर क्यान्सर अस्पतालमा मृत्यु भएको भक्तपुरका प्रमुख जिल्ला अधिकारी प्रेमप्रसाद भट्टराईले जानकारी दिए।
स्याङ्जा घर भइ भक्तपुरमा कार्यरत अन्दाजी ५३ वर्षीय ढकालको पोखरामा अन्त्येष्टि गरिएको उनले बताए।
'आठ महिनादेखि जिब्रोको क्यान्सर थियो। भक्तपुरमा लामो समय उपचार गराउनु भयो। गम्भीर भएपछि उता लगियो। उपचारका क्रममा हिजो बित्नु भएछ,' उनले भने।