नेपाली कांग्रेसका सभापति शेरबहादुर देउवाले कोरोनाविरूद्ध खोप लगाउन आग्रह गरेका छन्।
बुधबार आफूले कोरोनाविरूद्ध खोप लगाएपछि देउवाले आफ्नो पालोअनुसार कोरोनाविरूद्ध खोप लगाउन सबैलाई आग्रह गरेका छन्।
उनले निजामती अस्पताल पुगेर कोरोनाविरूद्ध खोप लगाएका थिए।
फागुन २३ गतेदेखि प्रतिनिधि सभा बैठक बस्ने भएकोले सभामुख, मन्त्रीहरू र सांसदले कोरोनाविरूद्ध खोप लगाएका छन्।
उनले कोरोना महामारी अन्त्य भइनसकेकोले मास्क लगाउन र सामाजिक दूरी कायम गर्न पनि आग्रह गरेका छन्।
संसद भवनमा पनि मास्क लगाउनुपर्ने र सामाजिक दूरी पालना गर्नुपर्ने सूचना टाँसिएको छ।
