सुनसरी इटहरी-१४ को नर्भासा नहरमा पौडी खेल्ने गएका दुई किशोरको डुबेर मृत्यु भएको छ।
मृत्यु हुनेमा इटहरी-७ का १४ वर्षीय आयुष भुर्तेल र सोही स्थानका १७ वर्षीय सायल चौधरी छन्।
मंगलबार साँझ ६ बजे नहरमा पौडी खेल्ने क्रममा दुबै जना डुबेर बेपत्ता भएका थिए। उनीहरूलाई स्थानीय र प्रहरीले फेला पारेर उपचारका लागि पठाएका थिए।
दुबैलाई उपचारको लागि धरानस्थित बिपी प्रतिष्ठानमा लगिएकोमा उपचारको क्रममा भूर्तेलको राति ११ बजे र चौधरीको सवा ११ बजे मृत्यु भएको जिल्ला प्रहरी कार्यालय सुनसरीले जनाएको छ।
